DİN-nin və Hacıqabul Polis Şöbəsi əməkdaşları tərəfindən hədə-qorxu ilə pul tələb etmə faktı istiqamətində növbəti əməliyyat tədbiri həyata keçirilib.
DİN-dən verilən məlumata görə, əməliyyat məlumatı əsasında həyata keçirilən tədbirlərlə “Doğruxeber.com” Xəbər portalının baş redaktoru İlham Həsənov Hacıqabul rayon ərazisində kimliyi istintaq tərəfindən gizli saxlanılan şəxslərdən hədə-qorxu ilə tələb etdiyi məbləği alarkən yaxalanıb.
OperativXeber.Az bildirir ki, verilən məlumatlar əsasən müəyyən edilib ki, dırnaqarası baş redaktor ayrı-ayrı şəxslər barədə şantaj edici materialların kütləvi informasiya vasitələrində yayacağı hədəsilə onlardan külli miqdarda pul tələb edib.
Hadisə zamanı İlham Həsənovun yanında saytın fotomüxbir qismində çalışan Tahirov Malik Teyyub oğlu da iştirak edib.Lakin hadisə yerindən qaçmağa müvəffəq olub.
T.Malikin tutulması istiqamətində əməliyyat-axatarış tədbirləri davam etdirilir.
Hazırda İ.Həsənovun digər cinayət əməllərinin müəyyən olunması istiqamətində istintaq-əməliyyat tədbirləri davam etdirilir.
Xatırladaq ki, Şirvan şəhər sakini İlham Rəsul oğlu Həsənov ötən il Doğruxeber.com domenli sayt yaradıb və həmin sayta rəhbərlik edib. Sayt fəaliyyət göstərdiyi dövrlərdə onun barəsində hüquq-mühafizə orqanlarına çoxsaylı şikayətlər daxil olub.
P.S. İlham Həsənovun oğlu Anar Həsənov, ötən ilin fevral ayında Baş Mütəşəkkil Cinayətkarlıqla Mübarizə İdarəsi əməkdaşları tərəfindən keçirilən əməliyyat tədbirləri nəticəsində narkotik maddələrin qanunsuz dövriyyəsinə görə saxlanılıb. CM-nin müvafiq maddəsinə əsasən 6 il yarım azadlıqdan məhrumetmə cəzasına layiq görülüb. Əməliyyat zamanı şəhər sakini-narkodiler Malik Tahirov hadisə yerindən qaçmağa müvəffəq olub.
OperativXeber.Az
5 331
